Menu
Menu
É a Valedora do Pobo de Galicia. Unha alta comisionada do Parlamento de Galicia ao servizo do cidadán, para garantir, con independencia, os dereitos constitucionais e estatutarios e o principio de boa administración.
Se che negan un dereito, sénteste discriminado ou es vítima de abuso, pídenos axuda, podemos defenderte.
Defender os teus dereitos como cidadán, e investigar se a administración pública galega cometeu contigo algunha irregularidade, erro, abuso, arbitrariedade ou neglixencia.
No caso de que así sexa, pode intervir para que o órgano afectado (concello, consellería, deputación, universidade etc.) corrixa a súa actuación.
Podemos realizar tamén suxestións ou recomendacións para que os poderes públicos realicen melloras que beneficien a todos.
A Valedora do Pobo ofrece un servizo gratuíto de atención ás persoas que asiste a todo o mundo que se achega a el para realizar unha consulta ou presentar unha queixa.
Escoitamos sempre á xente que se dirixe á institución e estamos en permanente contacto con entidades que representan a colectivos necesitados de atención.
Abrimos as nosas investigacións a propia iniciativa ou a través das vosas queixas. En función destas podemos solicitar informes ás partes e emitir resolucións para corrixir actuacións das administracións galegas, en caso de ser necesario.
Como alta comisionada do Parlamento de Galicia, estamos obrigados a enviar e resumir ante o pleno da Cámara un informe anual da actividade.
Encha o formulario na páxina de queixas, encha os seus datos persoais e toda a información asociada á súa queixa da forma máis completa posible.
Pode tamén achegar documentación.
Envíe un fax a:
Valedora do Pobo
N. fax: 981 572 335
O documento debe incluír os seguintes datos:
O escrito deberá responder como mínimo ás seguintes preguntas:
Pode completalo (xa opcional) respondendo os seguintes interrogantes:
Envíe unha carta a:
Valedora do Pobo
Rúa do Hórreo 65
15702 Santiago de Compostela
A carta debe incluír os seguintes datos:
O escrito deberá responder como mínimo ás seguintes preguntas:
Pode completalo (xa opcional) respondendo os seguintes interrogantes:
Pode dirixirse á sede da Valedora do Pobo, onde será amablemente atendido.
Rúa do Hórreo, núm. 65
15702
Santiago de Compostela
Horario de 9.00 h. a 14.00 h de luns a venres e de 16.30 a 19.00 horas de luns a xoves
Pode reclamar ante a Comisión da Transparencia
O seu escrito, que debe chegar asinado, debe incluír obrigatoriamente o seu nome completo, un correo electrónico (na súa falta dirección postal) e unha breve explicación achega do problema detectado no exercicio do seu dereito de acceso á información pública.
Nesta información deberá especificar as datas do ocorrido, o nome do organismo, ou unidade administrativa afectada e o lugar onde se produciron os feitos.
Pode facilitar canta información documental considere relevante para poder tramitar a reclamación.
Imprescindible: Achegar copia do DNI/NIF/NIE ou pasaporte, pola contra non se poderá tramitar a reclamación.
Ten un plazo de un mes dende a notificación da resolución polo organismo ao que se lle solicitou a información, ou en calquera momento unha vez transcorrido un mes dende a solicitude, se non se obtivo resposta.
A Comisión da Transparencia ten habilitados vaios mecanismos.
Pode dirixirse:
A Comisión da Transparencia resolve as reclamacións no prazo máximo de tres meses. De non ditar resolución nese prazo, a reclamación debe entenderse desestimada e pode interporse contra esa falla de resolución, recurso contencioso-administrativo ante o Tribunal Superior de Xustiza de Galicia.
Está presidida pola titular da Valedora do Pobo.
A Vicepresidencia corresponde ao/a adxunto/a á Valedora do Pobo
Conta con 5 vocalías que representan a:
-Xunta de Galicia (Dirección Xeral de Simplificación Administrativa)
-Consello Consultivo
-Consello de Contas
-Federación Galega de Municipios e Provincias
Pode denuncialo ante a Valedora do Pobo que actúa como Comisionado da Transparencia
Polas canles habituais de tramitación de queixas ante a Valedora do Pobo.
1.Por internet: por medio do formulario web
Por fax ao número: 981 572 335
Por carta dirixida a: Valedora do Pobo. Rúa do Hórreo 65. 15700 Santiago de Compostela
En persoa, sen cita, nesa mesma dirección en horario de 9-14 e 16-19 horas.
O escrito deberá responder como mínimo ás seguintes cuestións:
Órgano da Administración da Comunidade Autónoma, concello, entidade ou empresa pública que non ten publicada a información obrigatoria e de que información se trata.
Enténdese por información pública os contidos ou documentos, calquera que sexa o seu formato ou soporte, que consten en poder dalgún dos suxeitos incluídos no ámbito de aplicación da Lei de transparencia e bo goberno e que fosen elaborados ou adquiridos en exercicio das súas funcións. Así mesmo, considerarase información pública a producida polas entidades que presten servizos públicos ou exerzan potestades administrativas, nos termos previstos no artigo 4 da Lei de transparencia e bo goberno.
O dereito de acceso á información pública exércese conforme ao procedemento establecido na normativa actual, Lei 1/2016, do 18 de xaneiro, de transparencia e bo goberno de Galicia e na Lei 19/2013, do 9 de decembro, de transparencia, acceso á información pública e bo goberno.
A actual normativa garante á cidadanía:
O uso da información obtida sen necesidade de autorización previa e sen máis limitacións que as derivadas desta ou outras leis.
A recepción da información pública en formato electrónico ou en papel, segundo indicase a persoa solicitante.
A recepción da información pública na lingua oficial de Galicia na que a solicite.
O coñecemento das taxas e prezos que, no seu caso, sexan esixibles para a obtención de copias ou para a transposición da información a formatos diferentes do orixinal.
A realización de propostas e suxestións tanto ao redor da información demandada e aos formatos, programas ou linguaxes informáticos empregados.
Gran parte da información pública atópase publicada nas webs institucionais das administracións, organismos públicos e institucións. Por esta razón, recomendamos que as visites e no caso de que non a atopes, presentes unha solicitude de acceso á información á administración, organismo ou institución correspondente.
Efectivamente ten límites e aparecen sinalados no artigo 14 da Lei 19/2013, do 9 de decembro, de transparencia, acceso á información pública e bo goberno.
Así, o dereito de acceso poderá ser limitado cando acceder á información supoña un prexuízo para:
A seguridade nacional.
A defensa.
As relacións exteriores.
A seguridade pública.
A prevención, investigación e sanción dos ilícitos penais, administrativos ou disciplinarios.
A igualdade das partes nos procesos xudiciais e a tutela xudicial efectiva.
As funcións administrativas de vixilancia, inspección e control.
Os intereses económicos e comerciais.
A política económica e monetaria.
O segredo profesional e a propiedade intelectual e industrial.
A garantía da confidencialidade ou o segredo requirido en procesos de toma de decisión.
A protección do medio ambiente.
A aplicación dos límites será xustificada e proporcionada ao seu obxecto e finalidade de protección e atenderá ás circunstancias do caso concreto, especialmente á concorrencia dun interese público ou privado superior que xustifique o acceso.
O procedemento para o exercicio do dereito de acceso iniciarase coa presentación da correspondente solicitude, que deberá dirixirse, neste caso, á Valedora do Pobo, titular da información.
Na solicitude, que poderá presentarse por calquera medio, debe constar:
No seu caso, a modalidade que se prefira para acceder á información solicitada.
O solicitante non está obrigado a motivar a súa solicitude de acceso á información. Con todo, poderá expoñer os motivos polos que solicita a información e que poderán ser tidos en conta cando se dite a resolución. Con todo, a ausencia de motivación non será por si mesma causa de rexeitamento da solicitude.
Se inadmitirán a trámite, mediante resolución motivada, as solicitudes:
Que se refiran a información que estea en curso de elaboración ou de publicación xeral.
Referidas a información que teña carácter auxiliar ou de apoio como a contida en notas, borradores, opinións, resumos, comunicacións e informes internos ou entre órganos ou entidades administrativas.
Relativas a información para cuxa divulgación sexa necesaria unha acción previa de reelaboración.
Dirixidas a este órgano, en cuxo poder non obre a información cando se descoñeza o órgano competente.
Que sexan manifestamente repetitivas ou teñan un carácter abusivo non xustificado coa finalidade da normativa de transparencia.
O prazo xeral de resposta en contestación á solicitude de información é dun mes desde a súa recepción. Este prazo é ampliable a un mes máis cando o volume ou a complexidade da información solicitada o faga necesario.
Contra toda resolución expresa ou presunta en materia de acceso ditada pola Valedora do Pobo e segundo o previsto na normativa, só caberá a interposición de recurso contencioso-administrativo.
De acordo coa normativa vixente, todas as persoas teñen dereito a acceder á información de carácter público da institución da Valedora do Pobo.
A información da Valedora do Pobo, que é pública e está suxeita ao dereito de acceso, é a constituída polos contidos ou documentos, en calquera formato ou soporte, que obren no seu poder e fosen elaborados ou adquiridos no exercicio das súas funcións en relación coas súas actividades suxeitas a Dereito Administrativo. Enténdese por actividades suxeitas a Dereito Administrativo os actos e disposicións en materia de persoal, administración e xestión patrimonial.
Cumprimente este formulario, encha os seus datos persoais e toda a información solicitada.
Podes presentar a correspondente solicitude dirixida ao noso rexistro (rexistro@valedordopobo.gal), presencialmente, por correo ordinario, ou ben a través do correo electrónico ou ben no buzón:
transparencia@valedordopobo.gal
Para que poidamos tramitar a túa solicitude, debe constar:
Dirección de contacto, preferiblemente electrónica para facilitar a comunicación.
No caso de non dispoñer de dirección de correo electrónico, pode enviar unha carta a:
Valedora do Pobo
Rúa do Hórreo 65
15700 Santiago de Compostela
A carta debe incluír os seguintes datos:
No seu caso, a modalidade que se prefira para acceder á información solicitada.
Pode dirixirse á sede da Valedora do Pobo, onde será amablemente atendido.
Rúa do Hórreo, núm. 65
Santiago de Compostela
Horario de 9.00 h. a 14.00 h y de 16.30 a 19 horas
Queres visitarnos?
Rúa do Hórreo, 65.
Santiago de Compostela
A Coruña (España)
15702
De 9.00 a 14.00 e de 16:30 a 19.00
(de luns a xoves)
Venres de 9.00 a 14.00
Horario de verán