A valedora do pobo asiste ao Acto de Entrega dos Recoñecementos Meninas 2025.

O pasado venres o Hostal dos Reis Católicos en Santiago de Compostela acolleu a entrega dos Premios Meninas que outorga a Delegación do Gobierno en Galicia e que se recoñecen a persoas e entidades polo seu compromiso na erradicación da violencia de xénero, o apoio ás vítimas e a loita pola igualdade.

Este ano os galardóns recaeron na ONG de loita contra a trata ACCEM Galicia, na Deputación da Coruña, na Asociación Penal Concepción Arenal, no IES Chivite de Verín e na decana de Facultade de Ciencias da Comunicación da Universidade de Vigo Enma Torres-Romay.

Dolores Fernández Galiño, valedora do pobo, entregou ao equipo EMUME da Comandancia da Garda Civil da Coruña unha mención honorífica.