Visita a Sarria para impartir unha charla nun instituto.

Onte a valedora do pobo, Dolores Fernández Galiño, e Mar Barcón, asesora da institución, impartiron unha charla no IES Xograr Afonso Gómez de Sarria, dentro do programa EduReferentes que a asociación Executivas de Galicia realiza como parte fundamental do proxecto Referentes Galegas, a través do cal se realizan encontros de mulleres referentes de Galicia con estudantes de ESO, FP e 1º de Bacharelato da comunidade galega, visitando centros educativos e compartindo experiencias profesionais.