Onte 19 de febreiro fallouse o resultado da cuarta edición dos premios instituídos pola Valedora do Pobo e as tres universidades galegas para recoñecer os mellores traballos de fin de grao (TFG) e de fin de máster (TFM) en materia de igualdade e dereitos das mulleres.
Nesta edición o traballo fin de máster gañador resultou ser o titulado: ”Lexislar e Xulgar dende a perspectiva de xénero: especial referencia ao ámbito do dereito penal e aos delitos sexuais”, de Teresa Búa Zache da Universidade de A Coruña.
En canto ao traballo fin de grao, o gañador foi “Violencia de Xénero. Impacto das ordes de protección e do proceso xudicial no benestar psicolóxico das vítimas” da autora Coral Carballedo Roca. Universidade de Santiago de Compostela.
Os premios outorgáronse por unanimidade. O acto de entrega terá lugar no decurso do mes de marzo, estando a cargo da súa organización a Universidade de Santiago de Compostela.
