A Valedora do Pobo iniciou actuación de oficio tras ter coñecemento do caso dunha familia da parroquia de San Román no municipio do Vicedo (Lugo) ao que a empresa EDP Reguladora Gas Powwe, S.A, Grupo NATURGY cortoulle a subministración eléctrica por erro, xa que , segundo parece, foran uns veciños quen solicitara a resolución do contrato. Tras contactar con EDP e con Naturgy informáronlles que a única solución era que a propia familia procedese a solicitar novamente o alta do servizo. Este trámite non podería realizarse, segundo as informacións que temos, ata o día de hoxe, martes, 7 de xaneiro, dado o carácter non laborable do luns, día 6. Tampouco se lles concretou en que momento dispoñerían novamente de subministración eléctrica. Para manter un mínimo de electricidade na vivenda víronse obrigados a utilizar un grupo electrógeno.
The comments are closed.