A valedora participa en Barcelona nunha xuntanza de defensores de todo o mundo sobre os retos actuais dos dereitos humanos

26 Abril, 2016 Institución, Novas

A valedora do pobo, Milagros Otero Parga, participa en Barcelona no Seminario Internacional de Ombudsman sobre os retos actuais aos que se enfrontan os ombudsman en todo o mundo,  organizado polo Instituto Internacional do Ombudsman (IOI) do que forma parte a institución galega.

A institución galega forma parte da ampla representación de defensorías desplazadas a Barcelona, procedentes na súa maioría de países europeos. Xunto con diversos expertos universitarios participan no debate sobre os retos actuais dos dereitos humanos durante dous días de traballo. A iniciativa enmárcase dentro do conxunto de actividades do Instituto Internacional do Ombudsman, da man do Síndic de Greuges, que preside o capítulo europeo do instituto. As xornadas de traballo celébranse no Salón do Tinell.

Un dos obxectivos da xuntanza pasa por reivindicar a garantía dos dereitos e o papel dos defensores ante a crise de refuxiados que afecta a Europa, así como reflexionar acerca do xeito en que a situación económica actual ou o debate entre seguridade e liberdade afectan a dereitos humanos fundamentais.

Web oficial das xornadas de traballo: https://hrspanish.wordpress.com/

Programa (en pdf): https://hrspanish.wordpress.com/programa/

The comments are closed.


GABINETE DE COMUNICACIÓN

Rúa do Hórreo, 65
15700 Santiago de Compostela
A Coruña
Teléfono [+34] 981 56 97 40
FAX [+34] 981 57 23 35

comunicacion@valedordopobo.gal