A valedora do pobo, Milagros Otero Parga, realizou hoxe unha visita institucional ás dependencias da Asociación Española contra o Cancro de Ourense con motivo do seu 25 aniversario. A valedora tivo ocasión de falar con representantes da entidade das súas necesidades, principalmente no eido sanitario e asistencial. Brindou o apoio da institución ás súas peticións e aos novos proxectos que a AECC quere emprender en Ourense, como a mellora da accesibilidade das súas dependencias e a necesidade de achegar a máis persoas, enfermos e familias, os seus programas.
Milagros Otero aproveitou a ocasión para depositar un libro institucional sobre o papel das valedorías en España nunha cápsula do tempo, en apoio ás persoas afectadas de cancro na comunidade.
The comments are closed.