A institución do Valedor do Pobo, punto de recolla de produtos para o Banco de Alimentos Rías Altas

28 Novembro, 2017 Exclusión social, Institución, Novas

A cidadanía pode acceder ás dependencias do Valedor do Pobo en horario de mañá e de tarde para depositar as súas doazóns.

Santiago de Compostela, 28 de novembro de 2017. A institución do Valedor do Pobo convértese esta semana en punto de recolla de produtos para o Banco de Alimentos Rías Altas, BALRIAL. Desde hoxe mesmo, as dependencias da institución (Rúa do Hórreo 65) son punto de recolla de alimentos e produtos de hixiene para nenos e adultos. As persoas interesadas poden dirixirse á institución de 9 a 14 horas e de 16.30 a 19.00 horas para depositar as súas doazóns.

O Valedor do Pobo especializa a súa recolleita en produtos con grande demanda e máis difíciles de obter nas campañas de captación masiva. Seguindo indicacións do Banco de Alimentos, aínda que se recollen todos os alimentos non perecedoiros que desexen achegar as persoas, a institución quere facer fincapé nos alimentos propios destas festas, conservas e aceite. En canto a produtos de hixiene, hai escaseza de cueiros, principalmente para adultos e das tallas máis grandes (talla 3) para os meniños.

O recibidor da sede do Valedor do Pobo dispón xa de varias ducias de caixas onde empregados da oficina e calquer persoa pode depositar os seus produtos.

Coa iniciativa, o alto comisionado parlamentario súmase a campaña da gran recolleita que, por estas datas, organiza cada ano o Banco de Alimentos Rías Altas.

The comments are closed.


GABINETE DE COMUNICACIÓN

Rúa do Hórreo, 65
15700 Santiago de Compostela
A Coruña
Teléfono [+34] 981 56 97 40
FAX [+34] 981 57 23 35

comunicacion@valedordopobo.gal