A institución avala a candidatura da Ribeira Sacra ante a Unesco en Fitur

30 Xaneiro, 2015 Institución, Medioambiente, Novas

Santiago de Compostela, 30 de xaneiro de 2015. O valedor do pobo, José Julio Fernández, desprazouse onte a Madrid para asistir á presentación da nova campaña de promoción turística desenvolvida polo Consorcio de Turismo Ribeira Sacra. A presenza do titular da institución tivo por obxecto contribuír a prestar apoio a todas as iniciativas que poidan axudar a impulsar a candidatura desta rexión a ser declarada Patrimonio da Humanidade por parte da Unesco.

O acto, que contou cunha enorme acollida de público, deu a conocer dous dos traballos audiovisuais de promoción emprendidos por 21 concellos da rexión presentes no consorcio. Un deles presentou imaxes espectaculares da riqueza paisaxística e cultural da rexión. O segundo documental foi elaborado polo video-blogger Diego Pons (http://www.viajandocondiego.com/) bloguero de viaxes máis que reputado, e permitiu amosar a súa experiencia de varios días desfrutando dos deportes, paisaxes, patrimonio, enoloxía e gastronomía destas terras.

Dar a coñecer o atractivo da Ribeira Sacra e mesmo o seu potencial para ser declarada patrimonio son dous dos retos do consorcio. E tamén do valedor que está presente, sempre que a súa axenda llo permite, en calqueira iniciativa que contribúa a posta en valor desta rexión que une as provincias de Lugo e Ourense.

 

 

 

The comments are closed.


GABINETE DE COMUNICACIÓN

Rúa do Hórreo, 65
15700 Santiago de Compostela
A Coruña
Teléfono [+34] 981 56 97 40
FAX [+34] 981 57 23 35

comunicacion@valedordopobo.gal