Hoxe tivo lugar na sede da institución un emotivo acto con motivo da clausura da exposición que a “Asociación Escola Rural de Saúde da Limia” estivo exhibindo os dous últimos meses na institución. A mostra ten como obxectivo investigar e difundir a presenza e a participación das mulleres do rural de Galicia, ademais da posibilidade de realzar e fortalecer a autoestima das mulleres, e empézase a realizar nos lugares onde a Asociación ESCOLA RURAL DE SAUDE DA LIMIA xa vén facendo un traballo de promoción da igualdade e a saúde desde 2011.
O Acto, inaugurado pola Valedora do Pobo, contou coa intervención de Lola Rico, coordinadora da asociación, de Rosa Trujillo, escritora e psicóloga ERSL, que acompañaron ás mulleres protagonistas, e de Jaione Camborda, directora da película “O Corno”, gañadora da Cuncha de Oro 2023.
O peche correu a cargo da Secretaria Xeral de Igualdade, Sandra Vázquez.
